చిక్కని చీకటిలో సైతం నీ రూపం నా ముందర స్పష్టంగా కనిపిస్తుంది
నిశీది నీడలలో మన నీడ సైతం మనతో ఉండదు కాని
ఆ చీకటిలో నీ ఉనికిని నా మనసు గ్రహించి, స్పందిస్తుంది
నీ ఇష్టం,కష్టం అన్నింటికి నా మనసుకి చెప్పకనే తెలుస్తుంది
ప్రేమంటే ఇదేనా...అవునేమొ కదా...
దానిని రుచి చూసి,తనివితీరా అనుభవించాకే తెలిసింది...
అది కూడా నీకు దూరమయ్యాకే అర్ధమయింది..
నువ్వేంటో నాకు...నీ మీద నా ప్రేమేంటో
ప్రేమించి.. దానితో జీవించి..అందులో నిండా ములిగాక
తెలిసింది ...ఇదే కలిసి ఉంటేనే ప్రేమ కాదని
అందరికి అంత అదృష్టం దొరకదుగా..
కలవని తీరాల నడుమ కూడ వారధి ఇలా వేయొచ్చని తెలిసింది
ఇన్నాళ్ళూ నాలో నేను..నాకు నేను తోడుగా ఉన్నాను
ఇప్పుడు నాకు నువ్వు తోడయ్యావు...నాలో, నాతో మనంగా ఉన్నావు 😍
నా మనసుతో మాటలు అదే నీతో మాటలు
అలకలు,కోపాలు,తాపాలు...విరహలు అన్నీ ఉన్నాయి
మనిషిగా లేవేమో కాని నా మనిషిగా నాలో ఉన్నావు
నా మనసుతో చూడగలిగితేనే నీకైనా, నువ్వు కనిపించేది నా ప్రక్కన
ఇన్ని ఉన్న నాకు నువు పక్కన లేవనే బాధ ఇప్పుడు లేదు
నీ ఇష్టాలు నా సొంతం చేసుకున్నాను అనుకున్నాను కాని
నిన్నే నాలో నింపేసుకున్నానని అనుకోలేదు..ఇప్పుడిప్పుడే తెలుస్తోంది
ఇలా కూడా కలిసి బ్రతకొచ్చని...దీనినే లోకం పిచ్చి అని కూడా అంటుందిలే
పిచ్చి ప్రేమ అంటే అంతే మరి....
...........అరుణని............
No comments:
Post a Comment