తాను నేను

ఏముంది నీలో నను బంధించే మంత్రం...
ఈ ఆకర్షణశక్తి ఏంటోయ్ నీలో....
ఏ మూలనున్న నీవైపు లాక్కొచ్చే ఈ మాయ ఏంటి....
తెలుసుకోలేని ఈ వింతేనా ప్రేమంటే...
నీ పరిసరాలలో నేనుంటే చాలోయ్...
నీ మేను పరిమళాలు నన్ను మత్తులో ముంచేస్తాయి...
ఇంక నా ముందు నువ్వుంటే....
నాకు నేను ఎవరినో కూడా తెలియదే...
ఏయ్....కాస్త ఎడబాటు మంచిది కదా....
ఇలా నిన్ను నాకు అలవాటు చేయకురా....
రేపన్న రోజున నీకు దూరమైతేనో నేను ఊహించలేనోయ్.
నా లోకమంతా నీలోనే, నీతోనే ఉంది...
మరి నువ్వు దూరమైతే ఈ విశాలమైన ప్రపంచంలో నేను ఏకాకిని అయిపోతాను సుమీ...
నా వ్యసనానివి  కావోద్దురా అస్సలు...ఇంక నాకు నేను కూడా మిగలను....
ఇలా నీ శ్వాసలతో నాకు ఊపిరి పోస్తూ నాలో అణువణువునా నిండి పోయావు....
నువ్వు మలచిన వేణువునే నేను మరి నువ్వు లేకపోతే మూగదై పోతుందోయ్....
నా ప్రాణం ఉండాలంటే నీవెంట నడవక తప్పదోయ్ మరి నీవెంటే నేను.........నీ జంటనై

.............అరుణిమలు............