తాను నేను

మనసులు పెనవేసుకున్న తరుణంలో
మనకు లోకంతో పనేముంది..
నువ్వు, నేననే మాట ఎక్కడ ఉంది మనం అయ్యాక..
జీవితానికి ఆవలి ఒడ్డు అంటే నీ ఒడేనోయ్ నాకు..
గడసరి సొగసులు సొంతం చేసుకున్న నీ సరసంలో మునిగున్నానేమో...
నా నవ్వుల హొయలు నగారాను మోగిస్తున్నాయి..
సిగ్గు గడప అవతల కాపలా కాస్తుందోయ్ కాలాన్ని ఆపి మరి..
బెట్టు చేయనివ్వని నీ మురిపాలు ముని వేళ్ళతో వీణను సవరించినట్టే ఉందిరా మేనును...
జగమంతా ఉయ్యాలే నీ ఎదపై నే చేరిన తరుణాన..
రాజేసిన సెగల ఆవిర్లు సుగంధాలై మన చుట్టూ గూడు కడుతుంటే...
ఓయ్....ఇప్పుడు చెప్పు నేనెరినోయ్ నీకు అని అడగనా ముచ్చటగా...
పొగడ్తల పరవళ్ళలో తేలియాడనా...
ఏవోయ్...మన సరసాల పాకం సిద్దమే కదా రుచి చూడని అధరాల విందుకు...

✍️అరుణిమలు