తాను నేను

అలా పిలవకోయ్
మనసు మౌనాన్ని వీడి రెక్కలు తొడుగుతుంది..

అలా చూడకోయ్
నీ కళ్ళ వాకిళ్ళల్లో రంగ వల్లికను అయిపోతా..

ఎన్నెన్ని దాచానో నీకోసం నాలో ఊసులను
చెప్పాలని ఉంది నాలో నీకై దాగిన ఆశలను..

ముద్దుగా ముడిచిన పెదవులతో
నీ అరచేత లిఖించాలని..

అల్లరి చేసే ముంగురులను
నీకై పానుపును చేయాలని..

నా చెక్కిలిని తాకిన నీ చిరునవ్వు
అద్దకమై పోవాలని..

ఏయ్....నీ తలపులలో ఈ మునకలు ఏంటోయ్
నీ కనులలో నాకై ఆ కైపెందుకో..

కొరికిన మింగుడు పడని
నీ చిలిపి తగాదాలలో నే తడిసి పోతున్న..

✍️అరుణిమలు