తాను నేను

చూపులను సైతం తడిమేసే నీ చూపులను తప్పించుకుని తిరుగుతున్న...

నువ్వు లేని చోటేదంటు వెతుకుతూ కదులుతున్న
నా మనసు...పదే పదే నీవేపు తిరిగి చూస్తుంది..

ప్రాణం నీతో ముడిపడి పోయింది ఏమో
పాదమెటు పద పద మంటున్న మనసు నాతో రానంటుంది...

నీ ముందు బలహీనమవుతున్న ఆలోచనలు
ఆచరణకు ససేమిరా అంటున్నాయి...

కసిరిన, నిందించిన,దండించిన మార్పు లేదోయ్
దేనికైనా సిద్దమే అంటూ ఎదిరిస్తున్నాయి...

నీతో జరిగే పోరు తక్కువ
నాలో నాతో జరిగే సమరం ఎక్కువ...

అలుపన్నది లేదు నీ తపనలకు
అదుపే లేదు నీ ఊహలకు..

నీ ఎదలో ఒక పూటకు పూచే పువ్వును
కావాలని లేదోయ్..
నిను వీడని నీ నీడకు ప్రతిరూపాన్ని కావాలని ఉంది...

ఎంతెంత దూరం నేను నీకు కదులుతానో
అంతంత చేరువే అవుతుంది నా మనసు..

మనసు గిచ్చి మరీ చెబుతుంది
ఎందుకే ఈ దూరాల ఆట ఆడుతున్నావని...

✍️అరుణిమలు