తాను నేను

అనుభవాలు ఎప్పుడు మంచివే
కొన్ని పరిచయాలే కంటిలో నలుసులా మెదులుతూ ఉంటాయి..

మరుపుకు చోటు ఇవ్వవు
మనసును వెంటాడం మానవు..

ఙ్ఞాపకాలన్ని జలగలే
మనల్ని పీల్చి పిప్పి చేసేందుకు..

అనుభూతులు కథలుగా అక్షరాలలో మిగిలాక
పఠించేందుకు పెదవి కూడా వణుకుతుంది..

మనసు పుస్తకంలో ఎన్ని మజిలీలో
మలుపు మలుపుకు మనసు భారం పెరుగుతునే ఉంది...

నీతో గడిపిన భాగం చుట్టూ
మనసు పరిభ్రమిస్తుంది..
ఇంకా ఇంకా నీతో పంచుకోవాలనే తపన దేనికో...

కన్నీటి కలువలే ఈ అక్షరాలు
తడుస్తూ మెరుస్తూ ఉన్నాయి
నా కలల సాగరంలో..

✍️అరుణిమలు