తాను నేను

రాసినవి చెరిపేయగలను
రాలుతున్న కన్నీటి చుక్కలను తుడిచేయగలను
గతాన్ని ఏం చేయగలను.?

నీడలో నీడై పోయిన నీ ఙ్ఞాపకాలను ఎలా కడిగేయను..
రాజుకుంటున్న దుఃఖం ఆరనంటుంది..
తలపులు చేస్తున్న గాయాలను తాకుతున్న కన్నీటి చెమ్మ మంట పెడుతుంది..

ఆశలన్ని ఇసుక రాతలుగా గాలిలో కలిసిపోయాయి
నీ వాగ్ధానాలన్ని వట్టి మాటగా వడిలి పోయాయి
ఎవరికి ఎవరం అవసరమై పోయామో
ఎవరికి ఎవరం శాపమై పోయామో..

ఎంత రాసిన తరగని వ్యధ
ఎంతెంత రాస్తున్న మిగిలే ఉన్న మన కథ
అంతంత రాసిన నిన్ను మరుపుగా మార్చలేని నా మనసు వేదన..

భావానికి మనసును ఊతగా చేసి
ఇంకిపోని కన్నీటి సిరాలో ముంచి మరీ లిఖిస్తున్న..

నీ ఆటను...
నే ఓడిన నా మనసును..

✍️అరుణిమలు