తాను నేను

కొన్ని క్షణాలను ఇచ్చేస్తావా నా కోసం
జీవితాన్ని తనివితీరా రుచి చూడటానికి..

కలిసి నడవలేని అడుగులు మనవి..
మనసులు మాత్రం తారమారు అయిపోయాయి ఎప్పుడో మనకు తెలియకుండానే..

కదిలి పోతున్న రాత్రులకు తెలుసు
నా కలల కౌగిలిలో నీకై కరిగి పోతున్న ఆలోచనలు..

అడగాలని ఉంది ఒకటి
కానీ..... ఎవరిని అడిగేది

జంట కాలేని వారిని
ఒకరికొకరు అనే అనుబంధంలో ఎందుకు ముడి వేసావని...

నవ్వులలో దాచుకున్న సంతోషాన్ని
కనులలో దాగిన దుఃఖాన్ని
మోసేది ఎన్నాళిలా..

నీకై పుట్టానని ఎద సవ్వడి చెబుతుంది అమాయకంగా..
దానికి ఎలా చెప్పేది నువ్వు ఎవరి తోడువో అని..

ఎందుకో ఈ పరిచయాలు
ఏ ఒడ్డుకు చేర్చని తుఫానులు పాలు చేయడానికేగా..

ఒక్కరిగా బతకడం సులువోయ్
ఎవరి కోసమో ఎదురు చూసే మనసుతో కలిసి బతకడం అంటే....

ఇలా అక్షరాలలో సాధ్యమే కానీ
వాస్తవానికి దానిని జీవితం అనరేమో..

✍️అరుణిమలు