తాను నేను

కొన్ని కొన్ని ఆలోచనలు ఏంటో
కొత్త కొత్తగా నన్ను నాకే పరిచయం చేస్తుంది..

నిర్మలమైన మనసులో
నీ తలపో తరంగమై తీరాన్ని తాకుతూ
నన్ను ఊరిస్తుంది..

నీ ఙ్ఞాపకాలను
ధరించిన ప్రతిసారీ ఎదకో కొత్త కానుక అందుతునే ఉంది..

నువ్వెక్కడోయ్
ఇలా వచ్చి అలా కదిలే కాలంలా ఆగనంటు..

నన్ను మీటి పోయే చిరుగాలివై
చేతిలో చేరి జారిపోతు
నిను వదలనని ఒట్టు శ్వాసగా మారి వేస్తున్నావు..

అల్లరి చేసి ఎన్నాళ్ళు అయ్యిందో
అలిగి కొన్నాళ్ళు అయినా ఎన్నేళ్ళో అయినట్లు ఉంది...

నీ ముద్దులలో మనసును పారేసుకుని
నీ హగ్గులలో కోరికనై
కోపంలో కొరివి కారాన్నై..

నీ బుజ్జగింపులలో పాపాయి నై
నీ చిలిపి నవ్వులలో చిత్తై..

నీ ఎత్తి పొడుపులలో పొగరునై
కోరి మనం పెట్టుకునే గిల్లికజ్జాలు..

ఓయ్.......
ఆటలు లేని
మనసు మూగబోయింతి ఇలా..

✍️అరుణిమలు