తాను నేను

నిన్ను వెతకని కనులకు కునుకు రాదు

నిన్ను వెతికే కనులకు అలసట రాదు..

అక్కడెక్కడో వదిలేసిన నా ఆశలకు

వెనక్కి పెట్టి నిల్చున్న..

మొండితనమా, 

పంతమా..

మౌనంలో నలుగుతున్న ఆలోచనలకు

దారి వెతకాలని లేదు..

కలవరపడుతున్న మనసుకు

ఊరడింపు మాటల పూత పూయాలని లేదు..

కోరికలన్ని కష్టపెట్టేవి

ఆశలన్ని అస్తమించేవే..

కష్టాలు కావాలని రావు

కోరి తెచ్చుకున్న మన ఇష్టాల మరో రూపమే అవి..

కొన్ని పరిచయాలు పరీక్షలు పెడతాయి

జీవితమంత ఎదలో చోటు ఇచ్చే

జత కూడని జంటలు ఎన్నో ఈ లోకంలో..

అస్తమిస్తున్న ఈ సూరీడుని 

వెతుకుతూ వచ్చే ఆ చందమామలా..

కలిసి ఉండలేరు ఇద్దరు

కలవరించకుండా ఉండలేరు..

✍️అరుణిమలు