తాను నేను

నిన్ను తాకిన ఏ గాలో

నన్ను ఊహగా వచ్చి పలకరించింది..

నువ్వు వస్తావని 

వస్తున్నావని

ఎదకు కబురు పంపినట్లు..

మనసు గుబులుకు

పరిమళాలను అద్దుతు..

నీ తలపులలో విహరిస్తున్న

మనసు 

నీ పిలుపుతో మేల్కొంది..

సుడిగాలై చుట్టేస్తావోయ్

సుదూర తీరాలలోకి నన్ను చేర్చి..

 

గురుతులెన్నో వదిలేస్తావు

నీ ఙ్ఞాపకాలుగా దాచుకోమని..

కలలా వచ్చి

కడలిలా కదిలించి

కను సైగ చేసి కదిలి పోతావు..

నిలిచిపోవా ఇక్కడే

అని‌ మనసు మౌనంగా అంటుంది..

నీకు వినిపించదు

నాకు అనాలని‌ అనిపించదు..

కానీ... 

మనసు వేసే ప్రశ్నలను

మౌనంగా తుంచేస్తుంటా..

నీ ఎదుట

నవ్వులను విరబూయించేందుకు..

✍️అరుణిమలు