తాను నేను

ప్రశాంతంగా ఉన్న మనసులోకి

కొన్ని పరిచయాలు నవ్వుతూ వస్తాయి..

ప్రశ్నలలో ప్రశ్నగా

మనల్ని వదిలి పోతాయి..

మన ప్రపంచంలో

మనం ఆనందంగా ఉండటం

కాలానికి కూడా నచ్చదేమో..

సాఫీగా సాగే జీవితంలోకి

బాటసారులకు ఆతిధ్యం ఇమ్మంటుంది..

అనుభవాలను నేర్పడానికో దేనికో 

పరిచయాలను ఎరగా వేస్తుంది

పరీక్ష పెడుతుంది..

నిన్ను నువ్వు పోగొట్టుకుంటావ

నిన్ను నువ్వు నిలబెట్డుకుంటావ అంటుంది..

బంధాలను గెలవడం అంటే

ఎదుటివారిని లొంగదీయడం కాదు

లొంగిపోవడం కాదు..

ఎవరికి లొంగి గెలవకు

ఎవరిని లొంగదీసి ఓడిపోకు..

నిన్ను నిన్నుగా

స్వీకరించని బంధంలో బంధీ కాకు..

✍️అరుణిమలు