తాను నేను

దొరలా వస్తావని ఎదురు చూస్తే

దొంగలా వస్తావు

నీకు దొరకనిది ఏదో

నా దగ్గర దోచుకోవాలని

మాటలను మంత్రాలుగా వాడతావు

వశీకరణం విద్య చేతకాక పోయినా

నీ మాటలు వెళ్ళే దారిలో

నన్ను నడిపించాలని చూస్తావు

నీ చేతల్లో నన్ను ఇముడ్చుకోవాలని 

ఆరాట పడతావు

దొంగవిరా నువ్వు..

నీ నాటకాలు చూసి నవ్వు వస్తుంది

నీ బాధలు చూసి జాలేస్తుంది

కానీ నీకు కావలసింది దొరికితే 

నువ్వు ఒక్క క్షణం ఉండవని తెలుసు

మీ మగాళ్ళ కన్నా ఆ మకరందాన్ని దోచే తుమ్మెదలు నయం కదా

ప్రేమ, స్నేహం అంటూ కథలు చెప్పకుండా కావలసింది తీసుకు పోతుంది

దొరవిలా రా

దర్జాగా తీసుకోవచ్చు

దొంగలా రాకు

దొరకను నీకు

✍️అరుణిమలు