తాను నేను

ఏవిటో కొంటె తలపులు కమ్ముకుంటాయి
అలా మూసుకుంటు, మోసుకొంటు నీ జాడలను...

అప్పుడెప్పుడో మనల్ని ఒకటి చేసిన ఊసులు
నెమరేస్తూ ఉండాలనిపిస్తుంది...

నే నీకు ఇచ్చిన చోటు అలాగే ఉంది....
నువ్వు ఇచ్చిన మాట మాత్రం లేదక్కడ...

ఎప్పుడు ఉరుమై ఉరుముతావో..
ఎప్పుడు కురిసి, తడిపేసి పోతావో...

మెరిసే మెరుపువే కంటికి...
ఎదురు చూసే మనసుకు మాత్రం పిడుగువే...

నీ కోసం వెతికిన దారులలో ఎండమావివై కనిపిస్తావు...
నా దారిన నే పోతే ఎదురు పడతావు....

ఊరించేది నువ్వే....
ఉసూరనిపించేది నువ్వే....
కాస్త నిదానించవోయ్ కావలసిన వారి కోసం...
కాస్త కన్నెర్ర చేయవోయ్ ఈ దూరాల పై...

✍️అరుణిమలు