తాను నేను

నా నవ్వుల నవరత్నాలలో...
నువ్వో మణివై వెలుగులు అద్దుకుంటావు....

మన మనసుల ముసురులలో నువ్వో మెరుపువి...
నా ఇష్టంలో ఇమిడిన ఆకర్షణివి...

కోరికలలో కొలతలు ఎరుగని కాముడివి..
నా అనుభవాలలో గాయాలుగా మిగిలిన అనుభూతివి..

ఊహలలో ఊరు వాడ హోరెత్తించే హుషారువి..
ఉసూరమనిపించడంలో ఎడారి ఎండమావివి..

నా కలల కోలాహలంలో రంగులు లేని ఇంద్రధనస్సువి..
నా అక్షరాల జాడలలో రూపు లేని రూపానివి..

మొత్తానికి నువ్వో మనసున మనసైన మనసు లేని మనిషివి...
అవునా అంటావు....అవసరాల బొమ్మని కదా ఇంతకన్నా ఇంక ఏం చెప్పను...

✍️అరుణిమలు