తాను నేను

ఎదుట లేవేమో కానీ ఎద నిండా నీవే కదా....ఎదురు చూసే క్షణాలకు తెలుసు యుగాల భారం ఎంత బరువుగా ఉందో...

అలసట లేని పయనం...
ఘడియలు గుండె చప్పుడతో లయ కడుతున్నాయి...

కాలం కవ్వింపులను కన్నెర్ర చేస్తూ
మనసు నిండిన నమ్మకంతో వేచి ఉన్న..

నీ తలపు పెదవి పై చిరునవ్వై
కుడి కంట జారే వెచ్చని బిందువుగా మారుతుంది..

నీతో గడిపే కూసంత కాలానికి
ఎన్ని యుగాల నిరీక్షణ కైనా సిద్దమేనోయ్...

నీతో ఉన్న ఆ కొద్ది సమయం నా ఎదకు ఆయువు పోస్తుంది..
మళ్ళీ నీతో గడిపే రోజు వరకు నన్ను నిలబట్టే బలమై మారుతుంది..

పరాయి సొత్తువేమో కదా
అతిధివే ఎప్పుడు ఇక్కడ

పరిచయం చేసిన కాలాన్ని నిందించనా
దాచుకున్న మనసును దండించనా

నా చేయి దాటిన మనసు
నా మాట వినను పొమ్మంది ఏనాడో..

అందుకేగా
అందుకోలేక
అజమాయిషీ చేయలేక

అందీ అందనంత దూరంలో
దిక్కుల నడుమ
పయనం ఎటో తెలియక
దిక్కులు చూస్తున్న

✍️అరుణిమలు