తాను నేను

ఒయ్యారాలు ఒలక పోస్తూ
వలపు కవ్వింపులా తాకే తెమ్మర లాంటిది కాదు
నా ప్రేమ...

నమ్మకానై నీ పక్కన ఉంటూ
ఇష్టాన్నై నీ చుట్టూ అల్లుకుంటూ
కోపాన్నై కసురుతూ
అల్లరినై నిన్ను ఆటపట్టిస్తూ ఉండేది..

క్షణాలను లెక్కలు కడుతూ
కళ్ళల్లో వెలుగు ఒత్తులను వెలిగించి
ఎదురు చూసే మనసును..

జాగ్రత్త అంటూ చెప్పే నా మాటకు అర్థం
మళ్ళీ నాకోసం నువ్వు ఎదురు వస్తావనే మాటను ఇమ్మని..

ఏ కళ్ళు నిన్ను తాక కూడదని
ఎవరి దృష్టిలో నువ్వు పడకూడదనే కుళ్ళు ఉంది..
ఏ మాయ నిన్ను మాయ చేసి నా నుండి దూరం చేస్తుందో అని...

నీ మాట మీద నమ్మకం ఉంది
ఈ వయసుల మీదే లేదు..

దేనినైనా నీ ముందు చూపించగలను కానీ
ఈ జలస్ ని చూపించలేనురా..

నా మాటలు విన్నాక
నువ్వు నవ్వే నవ్వు ఉంది చూడు
ఉఫ్్్్్...

వినలేనబ్బ...

✍అరుణిమలు