తాను నేను

ఒకరికొకరికి ఇవ్వగలిగేది ఏమన్నా ఉందంటే
అది సమయమే..

అవును...
కాస్త కాలాన్ని నాకోసం రాసి ఇచ్చేయ్ చాలు..

తీరిగ్గా తీరుబాటు అయ్యాక గుర్తుకు వచ్చే కాలక్షేపాన్ని మాత్రం చేయకు..

తీరిక చేసుకునే నీ సమయంలో నేనో భాగం కావాలి
అంతకు మించిన భాగ్యం ఏముంది..

నువ్వో అలవాటు కాకూడదు అని అనుకున్న
కానీ ఎప్పుడు వ్యసనానివి అయిపోయావో తెలియదు..

కొన్ని మౌనాలు,కొన్ని దూరాలు
మన మధ్య అల్లుకున్న అనుబంధాన్ని
ఎంత గట్టిదో చూపించింది..

కోరికలు ఏం లేవోయ్
ఏయ్ పిల్లో అనే పిలుపు ఈ చెవిన పడాలి

తీరిక చేసుకునే నీ తీరే నాకు తరగని బలం,బహుమానం..

✍అరుణిమలు