తాను నేను

నీ చేతిలో చేయి వేసి నడుస్తూ నువ్వు నా ధైర్యానివి అని చెప్పాలని ఉంటుంది..

నీ నీడలో ఆడుతు, నా తోడువు నువ్వని మరచిపోకంటు గుర్తు చేయాలని ఉంటుంది..

నీ మాటలలో నా మాటలను కలుపుతూ, నా పేరును నువ్వు పిలుస్తూ ఉంటే నీ బిడ్డనై పోవాలి అనిపిస్తుంది..

నీ ఒడిలో పడుకుని అల్లరి చేస్తూ నీ స్నేహాన్ని అవ్వాలి అని ఉంటుంది..

నీ గుండె లపై తలవాల్చి నా గుడిలో నేనో చిరుదివ్వెను అని మురిసిపోవాలి అనిపిస్తుంది..

నీ భుజానికి ఆనుకుని కూర్చుని ఈ ప్రపంచాన్ని నీతో కలిసి నీలా చూడాలని ఉంటుంది..

నే తలెత్తి చూసే నా గౌరవానివి నువ్వు, నా తల వొంచనివ్వవనే నమ్మకానివి నువ్వే..

వెనుక నుండి నిన్ను హత్తుకుని నీపై నా ఇష్టం ఎంతో నీకు స్పర్శగా మారి తెలియజేయాలి అని ఉంటుంది..

నీ నుదుటిపై ముద్దునై ముద్ర వేసి, క్షణ కాలంలో కరిగే సుఖానివి కావు నువ్వు నాకు...కలకాలం నా గుండెలో చెదరని రూపానివని నీకు చూపించాలని ఉంటుంది..

నీ నుండి నాకేం వద్దు
ఆశించడానికి నా అవసరానివి కావుగా
నాకు దొరికిన కానుకవు నువ్వు

దగ్గరవ్వాలని లేదు
దూరమవ్వాలని లేదు

కనిపించే చందమామలా
అందని జాబిలిలా నిలిచిపోతే చాలు

✍️అరుణిమలు