తాను నేను

నిను చేరని నా పలుకులన్ని
పదాలుగా మారుస్తున్న..

నీతో చెబుదామన్న
మాటలన్ని అక్షరాల మాలలు కడుతున్న..

నీతో పంచుకోని
నా ఇష్టాలు, కష్టాలు కవిత్వాలు అవుతున్నాయి..

నువ్వు కదిలించిన
అక్షర రాశిని నేను..

భావాలలో బందీని చేసి
ఏకాంతాన్ని ఇచ్చేసావుగా రాసుకోమంటు..

దేనికోయ్ ఈ అక్షరాలు
ఓదార్చేవే ఇవి కానీ లాలించేవా నీలా..

కదిలిపోతున్న కాలంలో
గడుపుతున్న ఒంటరి ఘడియలను
లిఖిస్తున్న కలంలో సిరా ఈ కన్నీరేగా..

నిన్ను చేరని ఈ లేఖలు
నీ చిరునామా కోసం వెతుకుతున్నాయి..

కనిపించకే వాటికి
నీ ముందు మౌనమై దాగిపోతాయి..

ఇవి అక్షరాల విన్నపాలు
చెరగని నీ ఙ్ఞాపకాలు..

✍️అరుణిమలు