తాను నేను

మాటలు ఆడుకోని రోజులు
ఎన్నో మన మధ్య..

కానీ ఒకరి గురించి
ఒకరం ఆలోచించని రోజు మాత్రం లేదు..

మన బంధానిది అర్ధాయుష్షే
ఙ్ఞాపకాలు మాత్రం పూర్ణాయుష్షు పోసుకున్నాయి..

ఎక్కడ
నువ్వు ఉన్న..

నీ గురించి
ఆలోచించే ఒక మనిషి ఉందని మరచిపోకు..

నిన్ను తలచే
ఒక మనసు నీ పిలుపు కోసం ఎదురు చూస్తుంది అని..

నిన్ను వలచే
ఒక జీవి నీ పేరుతో ఊపిరి పోసుకుంటుందని..

మరచిపోకే
నవ్వే ఈ పెదవుల మాటున
నలుగుతున్న నీ ఎడబాటు గాయాలను దాస్తున్న అని...

✍️అరుణిమలు