తాను నేను

కోపంలో ఉన్న

సంతోషంగా ఉన్న

పరధ్యానంగా ఉన్న

అనుకోకుండా

నా పెదవులు పలికే పేరు నువ్వు..

తలపుల్లో నీవే

తల్లడిల్లేది నీకోసమే..

ఊహలో నువ్వే

ఉప్పెనగా ఎగసే బాధవి నువ్వే..

ఎప్పుడు

నాలో నువ్వు ఇంతలా 

ఏకమయ్యావో తెలియదు..

నేనంటు లేనని

నాకంతా నువ్వేనని

ఎందుకు నమ్మేసిందో ఈ మనసు..

నీ నుండి విడిపోవడం అంటే

నా నుండి నేనే దూరమౌతున్నట్టు ఉంది..

అందుకేనేమో

నీకు దూరమవ్వడానికన్నా

నీ ఆలోచనల నుండి

నువ్వనే అలవాటు నుండి బయట పడటానికి

నాతో నేనే తలపడుతున్న..

ఓడిపోతున్న ప్రతీసారీ

మళ్ళీ మళ్ళీ ప్రయత్నం చేస్తూనే ఉన్న..

దారి నీకు తెలిస్తే

మనసు మీద కొట్టి పోకు

మనసులో నుండి వెళ్ళిపో..

✍️అరుణిమలు