మది మధనం

మనసు గోల వినపడనంత ఏకాంతం కావాలి..

వెధవ మనసు అవునంటే కాదు,కాదంటే అవును అంటుంది..

అందరిని నమ్మమంటుంది, నమ్మకం వమ్ము అయ్యాక దుఖః పెడుతుంది..

ఇష్టమైన పనే చేయమంటుంది, చేసాకేమొ తప్పులను ఎంచుతుంది..

మరుపు సహజమంటుంది కానీ అదంత తేలిక కాదంటు మెలిక పెడుతుంది..

ఏం మనసువే నువ్వు అంటే నా చేతిలో కీలుబొమ్మవే నువ్వు అంటుంది..

చిన్న ఉలిక్కిపాటుకే గంగను దించేస్తుంది ఆనకట్టలే లేని జలాసయంలా..

మనస్సున్న మనిషికి సుఖము లేదని ఉత్తినే అనలేదు కోతి మనసు..                                 

✍️అరుణిమలు