తాను నేను

కొన్ని ఆశలు, ఊహలు

కాగితం పడవలు లాంటివే..

ఆశించటానికి అందంగా

అందుకోవడానికి అక్కరకు రాకుండా ఉంటాయి..

కొన్ని పరిచయాలు కూడా

ఈ పడవ ప్రయాణం లానే మిగిలిపోతాయి..

ఆనంద పడినంత సేపు

సాగదు ఆ పరిచయాల‌ పయనం..

అందినట్టే అంది

మునిగిపోయే బంధాలు అవి..

ఏ అలలు లేవు ఆపడానికి

ఏ తీరం లేదు కోతకు..

కనిపించని తుఫానులు

కట్టిపడేసే అభిమానాలు అడ్డు పడతా ఉంటాయి..

మళ్ళీ మళ్ళీ ప్రయత్నించినా

ముందుకు

సాగేవి కావు ఆ పరిచయాలు..

✍️అరుణిమలు