మేఘసందేశం, హంస రాయబారాలు
అవసరమా అసలు...
అక్కడ ఆ మనసు తలంచితే
ఇక్కడ ఈ మనసు కదురు తప్పుతుంది కదా..
మనసును మించిన రాయబారం ఏముంది,
కళ్ళను మించిన లేఖలు ఏమున్నాయి..
చేతలను మించిన పదాలు ఏవి
నవ్వులను మించిన జవాబులు ఉన్నాయా..
ఏ దూరానికి బలముందోయ్ నా నుండి
నిన్ను వేరు చేయడానికి..
ఏ కోపానికి అంత తెగువ ఉంది నా కోరికను
కాల రాయడానికి..
ఏ అలకకు అంత శక్తి ఉంది నా ఆలోచనలలో
ఉన్న నిన్ను అణిచివేయడానికి..
ఎదురుగా ఉంటే పలకరింపువు...
ఎడబాటులో ఉంటే పలవరింతవు..
ఈ విషయం కాలానికి కూడా తెలిసిపోయింది ఏమో..
మీ మధ్యలో నన్ను లాగొద్దని తప్పించుకు పోతుంది..
జవాబులు మీరే
ప్రశ్నలు మీరే
బదులు నా దగ్గర లేదంటూ..
✍️అరుణిమలు
