నిశ్శబ్దంలో జరిగే యుద్ధాలు ఎన్నో
గెలిస్తే మౌనం ఓడిపోతుంది
ఓడితే మనసు గెలుస్తుంది
నా ఆలోచనలతో అంతర్యుద్ధం
కాలానికి మాత్రమే తెలిసిన జవాబులు కోసం వెతుకులాట..
విచిత్రమైన జీవాలు
విచిత్ర వేషధారణలు
సుఖానికి అమ్ముడు పోయే దేహాలు
మనసుకు మేకప్ వేసి మురిసే మాలిన్యం
జీవితానికి పేకప్ చెప్పే పనులలో మునకలు
బంధాల వెనుక కొందరు
అనుబంధాలను తెంచుకుని కొందరు
ఎన్నెన్నో అనుభవాలు చెబుతున్న
నడక చేతకాని నిర్ణయాలు
ఎన్ని విచిత్రాలో నా చుట్టూర
తప్పటడుగు వేయలేని వారు అంతర్యుద్ధాలు చేస్తారు
తెగించిన వారు లోకంతో యుద్ధం చేస్తారు నేనే నిజం అంటూ
నిశ్శబ్దం చెప్పే నిజాలను వినగలిగే దమ్ము ఉంటే
నీ వేపు వేలెత్తే అవకాశం ఈ లోకంలో ఎవరికి ఉండదు
ఆ దమ్ము లేని పిరికిపందకు మూర్ఖత్వమే ఆయుధం...
జవాబులు ఇవ్వడం కన్నా
ప్రశ్నించుకోవడం నేర్చుకుంటే ఎవరికి నువ్వు జవాబుదారీగా నిలబడవు...
నిశ్శబ్దం చాలా చెబుతుంది
నిశ్శబ్దంగా వినగలిగితే
✍అరుణిమలు
