తాను నేను

గుండెలో దాగిన ప్రేమ
గొంతు దాటనంటుంది కానీ
మళ్ళీ మళ్ళీ అవకాశాలు ఇస్తునే ఉంటా అంటుంది..

ఎందుకో...!!
ఆ ప్రేమ లేకపోతే ఊపిరాడదా
ఊసుపోదా ఈ పిచ్చి మనసుకు...

ఆకతాయి మనసు
నిన్ను చూస్తే ఆగలేదు మాట కలపకుండా..

కొంటె వయసుకు
ఎంత హుషారో నీతో జత కలవడానికి..

ఇదేం మాయ
నువ్వు చేసావో...నేనే సృష్టించుకున్నానో

విప్పి చెప్పలేనంత ఇష్టానికి
ఎన్ని పదాలని తీసుకొచ్చి పేర్చినా తరగడం లేదే..

మనసు పడే మదనాన్ని
ఈ మౌనంతో ఎంతవరకు చూపించగలనో..

గుండెలపై చేయి వేసుకో ఒకసారి
కళ్ళు మూసి
ఒక్క ప్రశ్న వేసుకో నేనెవరిని నీకు అని...

నీకై విరిసే నా నవ్వు
నీకై వస్తున్న ఈ కన్నీటి చుక్క
ఏం చెబుతుందో కూడా నీ ఎదనే అడుగు..

ఇంతకుమించి
చెప్పడానికి చేతకాదు..
దాచడానికి దాగేది కాదు..

కళ్ళ భాష ఎలాగూ రాదు
పదాలలో పరుషమే కానీ నే దిగమింగుతున్న దిగులు నీకు అర్థం కాదు..

ఓయ్....అనే పిలుపు గొంతులోనే ఆగిపోతుంది
పిలుపు కూడా నీ పలుకులకు ఉలిక్కి పడుతుంది ఇక్కడ..... ఇక ఏమని బదులిచ్చేది బండోడా..

✍️అరుణిమలు