తాను నేను

నీ పేరు నా చిరునామాగా మారి

నీ తలపో చిరునవ్వుగా నన్ను చేరింది..

నీకై మానసాన నే చేసిన తపస్సు

ఆరడుగుల రూపంలో నన్ను వరించింది..

నీ ప్రేమ తిలకం

నా నుదుటిన చుంబనంగా చేరాక..

నన్ను నీ నుండి 

విడదీసే శక్తి కాలానికి కూడా లేదోయ్..

మూరెడు తాడు పెనవేయక పోయినా

మనసును పెనవేసుకున్న ముడులు ఎన్నో ఇక్కడ..

ఎద పై చెక్కిన నీ పేరును

ఈ గుండెసడి ఎవరికైనా వినిపిస్తుంది ఏమో అని

మరే మనసుకు చేరువ కాలేదు కూడా..

గుప్పెడు గుండెలో ఉన్నది నీవే

ఈ ఎద చప్పుడు ఆగే వరకు..

కాలమేదైనా...తీరమేదైనా

నా ప్రయాణం నీతోనే

నీ ధ్యానం లోనే..

నేను ఎవరంటే

నువ్వేనంటా..

మరో తలపు

నా తలుపు తట్టదు..

నిన్ను దాటి నన్ను చేరేది

మెప్పించేది ఎవరోయ్..

✍️అరుణిమలు