తాను నేను

అనుకోకుండా అందుకున్న 

వరానివి నువ్వు..

నువ్వు ఎదురైన ఆ క్షణం

కాలం ఘడియ పాటు ఆగిపోయింది..

భరించే వాడిని నేనుండగా 

నీకెందుకా కష్టమని

నీ పాదా లపై 

నా పాదాలను ఉంచి కదిలావు..

మనం ఎదురు చూసిన కాలం ఇదేగా

చెప్పవే అంటూ.. 

చిరునవ్వుతో ఆహ్వానించావు 

నీ బాహువులలోకి..

ఒదిగిపోయా నీ ఎద పై నిన్ను చుట్టేసుకుని

కాసేపటికి నీ గుండె సడి నన్ను కదిలించింది..

నాలుగు కళ్ళు నిశ్శబ్దంగా పంచుకుంటున్న మాటలకు మన శ్వాసలు ఊ కొడుతున్నాయి..

ఎప్పుడు నీ పెదవి చెక్కిలిని తాకిందో

అప్పుడు తెలిసింది చినుకు తాకిన మట్టి ఎందుకు పరిమళిస్తుందో అని..

నాలుగు పెదవుల కలయికలో 

కరిగిపోయిన కాలం..

మూసిన కనులలో అలజడి... 

ఎద వేగం పెరిగి కళ్ళు తెరిచాన...

ఎదురుగా నువ్వు లేవు..

చుట్టూ చీకటి

గదంతా నిశ్శబ్దం

ఒంటరిగా నేను..

అదురుతున్న అధరాలు

నన్ను తాకిన నీ స్పర్శ

ఏది నిజం ఇందులో..

ఎద సడి గడియారంతో పోటీ పడుతుంటే

నిన్ను కలవరించిన కన్నులలో తడి చేరింది

కలలా వచ్చి

కలవరంలో వదిలేసావ

వేకువలో వెలుగై వచ్చేందుకు..

ఎదురు చూస్తునే ఉన్న

కలలని కావ్యంలా కాకుండా

కానుకగా చూడాలని..

✍️అరుణిమలు

తాను నేను

నువ్వు నా ఆప్షన్ కాదు

నా చాయిస్ వి..

నేను గెలుచుకున్న

నన్ను గెలిచిన మనసువి..

నువ్వు నా అవసరానివి కాదు

నా అభిమానానివి..

నువ్వు నా కోరికవి కాదు

నా కలల తీరానివి..

నన్ను వెతుకుతూ వచ్చిన

నాలో సగానివి..

నా ఆలోచనలకి ఒక రూపం ఇస్తే

అది నీ లానే ఉంటుంది..

అందుకే ఏమో

నా పంచ ప్రాణాలకు ఆయవు ఐపోయావు..

ఎవరెవరి ఙ్ఞాపకాలలో 

ఏ రూపంలో దాగున్నావో తెలియదు కానీ..

నాలో నువ్వు ఉన్నది

ఙ్ఞాపకంగా కాదు 

గతంగా కూడా కాదు..

నా పెదవి పై చిరునవ్వుగా

నా కనుల స్వేదంగా

నా మనసు మాగాణిలో

ఉదయించే మహారాజువై ఉంటావు.. 

✍️అరుణిమలు

తాను నేను

నీకు మాట్లాడాలి అనిపిస్తే ??

అనిపిస్తే ఏంట్రా...

నీతో మాట్లాడకుండా ఉండటం 

ఎలాగో నేర్చుకోకుండానే..

మనసుకు మౌనం 

అనే ఒట్టు పెట్టా..

ఇప్పుడు

నా మౌనం

నాకు అగ్ని పరీక్ష పెడుతుంది..

మాటలే లేవు మన మధ్య 

మాటలు మాత్రమే లేవు..

నీ మాటకు బదులు ఇవ్వని

నా మౌనం నీకు చాలా చెబుతుంది

వినే ఉంటావు అనుకుంటా..

బాధ పెడితే నిన్ను

మన్నించేయ్ నన్ను..

నా మనసు జాగ్రత్త

నీ మనసు ఇక్కడ పదిలంగానే ఉంది..

✍️అరుణిమలు

తాను నేను

ఒక్కసారి వెనక్కి తిరిగి 

రావాలని ఉంది..

ఈ గుండెల్లో ఉన్న భారాన్ని

నీ ఎద పై దించేయలని ఉంది..

వాలిన కనులకు

ఆనకట్టలు కట్టలేకున్న..

ఈ గుండె వేగాన్ని

అదుపు చేయలేక పోతున్న..

నిదుర మరిచిన రాత్రులను

ఆదమరిచిన నీ ఙ్ఞాపకాలు ఆక్రమించేసాయి..

ఇంత బరువుగా ఉన్నాయి ఏంటో

నీ ఆలోచనలు..

నన్ను ఉక్కిబిక్కిరి చేస్తూ

నాతో నన్ను ఉండనివ్వకుండా పోరు పెడుతు..

ఈ శక్తి ఎంత వరకో

ఈ చింత తీరేది ఎప్పుడో..

నువ్వే ఒకసారి ఎదురై పోకూడదా

నే గీసిన గిరిని చెరిపేసి

నన్ను తీసుకు పో..

✍️అరుణిమలు (550 😍😍😇😇)

తాను నేను

నిన్ను అర్థం చేసుకోవడంలో ఓడిపోలేదు

సర్దుకుపోవడంలో ఓడిపోయా..

ఎందుకో ఈ అభిమానం...

ఏం మిగిల్చింది..

ఎవరు లేకపోయినా నేను నీకు ఉన్న అంటు

కావాలి అనుకున్న వారికి దూరంగా

నిలబెట్టింది..

చాలా భరువైన ఆభరణం 

ఆత్మాభిమానం..

బాధని మోయమంటుంది నవ్వుతూ

బంధీని చేస్తుంది మనసును..

ఆదరిస్తుంది కానీ

ఆదరణ కోరుకోనివ్వదే..

మారాలని ఉన్న

మారనివ్వదు కదా..

నీవలన తల ఎత్తుకుని ఉన్న

నాతో నేను ఓడిపోతు..

✍️అరుణిమలు

తాను నేను

మళ్ళీ తిరిగి వస్తా నీ దగ్గరకు... కానీ ఉపయోగం ఏముంది..

నేను ఎక్కడ నిన్ను వదిలి వెనుతిరిగానో

నువ్వు ఇంకా అక్కడే ఉన్నావు..

ఇప్పుడు ఏంటి

తప్పు నాదే అంటావు

నీది ఏం లేదంటావు..

నీ ఆవేశం

నీ ఆలోచనలు

నేను నేను అనే నువ్వు..

ఇంతేగా నిజం..

తప్పు ఒప్పుకోవడానికి వెనక్కి తిరిగి రావడం దేనికి..

నాదే తప్పు...

సరేనా...

నా తప్పుకు 

నాకు నేను వేసుకున్న శిక్ష

మన మధ్య ఈ దూరం అనుకో..

నేను వేసుకున్న శిక్ష చాలదా

నువ్వే వేయాల..

తిరిగి నా మాటలు నాకు ఇచ్చేయాలి అంతేగా..

మళ్ళీ మళ్ళీ చంపడానికి

ఇక్కడ దేహం మాత్రమే మిగిలి ఉంది..

మనసు ఎప్పుడో చచ్చిపోయింది..

మనిషి మీద కొడితే కసి తీరదు

మనసు మీద కొడితే కదా కోపం తగ్గుతుంది..

మనసు మీదే కొట్టేసావు

మనం అనుకున్న ప్రతీసారీ నేను, నా అహం అంటూ...నన్ను వేరు చేసి పడేసి..

పిచ్చి దానిని...

నా అనే హక్కు ఉంది అనుకున్న..

అభిమానమో, ఆపేక్ష నుండి వచ్చిన మందలింపులను కూడా...

జవాబులు కావాలి అన్న రోజునే మనసు చచ్చిపోయింది..

దెబ్బ తగిలించుకున్నావని 

అమ్మ నడవడం చేతకాదా అని రెండు తగిలిస్తే..

అవకాశం దొరికింది అని కొడతావ, తిడతావ...నువ్వు ఎందుకు ఇలా చేసావంటే... 

తల్లి ఏం నిరూపించుకోవాలి అక్కడ, 

తన ప్రేమకు అర్థం ఏమని చెప్పాలి,

తన బెంగను ఏ విదంగా బయట పెట్టాలి...

నన్ను అదే చోటున నిలబెట్టావు...

నేను నీ తల్లిని కాను కనుకేమో నా సమాధానాన్ని మౌనానికి వదిలి వచ్చేసా...

సమాధానం ఇవ్వగలిగిన రోజున తిరిగి వస్తా..

నువ్వు పరాయి వాడివి ఐతే జవాబు ఇవ్వగలను..

అభిమానాన్ని వదిలేసిన రోజు తిరిగి వస్తా..

నువ్వు కావాలంటు,తప్పులను ఒప్పుకుని నిన్ను పొందేందుకు..

నువ్వు వేసిన ఒక్క ప్రశ్న

మనం అనే నా భ్రమను లాగిపెట్టి కొట్టింది..

ఇంకా అదే గాయాన్ని మోస్తున్న

బహుశా ఇది ఎప్పటికి మానదేమో..

నీలోనే, నీతోనే ఉన్నా ఇంకా

ఉంటా కూడా...

తిట్టిన, అలిగిన, కోప్పడిన,ఏడ్చిన,నవ్విన,ప్రేమించిన

అన్ని నీతోనే...

నీకు దూరంగా మనసుకు దగ్గరగా..

✍️అరుణిమలు

తాను నేను

చాలా చెప్పాలని ఉంది

అక్షరంగా మారి..

ఎంత రాసిన 

తరగని నా భావానివి నువ్వు..

అంతులేని ఈ అక్షర ప్రవాహం

చివరికి చేరేది నీ చెంతకే..

విశ్వమంత ఈ భావాన్ని

అణువంతగా మార్చి చెబుతున్న ఇనుకో..

❤❤❤ఐ లవ్ యు ❤❤❤

✍️అరుణిమలు