తాను నేను

కళ్ళు మూస్తే గాని

కళ్ళ ముందుకు రావుగా..

కనుల పల్లకీలో 

కలల ఊరేగింపు చేస్తావు..

మనం రచించే కథలు

మేల్కొనే సమయం ఇదేగా..

చెంతనే నువ్వు ఉన్నావేమో

చిరునవ్వు నీ చిరునామా చెబుతుంది..

మన ప్రపంచానికి

మనమే పహారా కాస్తూ..

చెక్కిలిపై చిలిపిగా

ముంగురుల ముగ్గులేవో వేస్తుంటే..

మళ్ళీ మళ్ళీ ఇక్కడే

ఇలాగే మనం ఉండిపోవాలని ఉంది..

అవును నీ దూరాన్ని

దగ్గర చేసేవి ఈ కలలేగా..

✍️అరుణిమలు