నీ చుట్టూ తిరుగుతున్న నా ఆలోచనలలో
ఏముంది రా... బయట పడనివ్వడం లేదు..
నీ ఎదురు పడకుండా ఉండలేను
చూసాక చూడనట్టు వెళ్ళడం ఇంకా ఇష్టం..
మాట్లాడకుండా అస్సలు ఉండలేను
కానీ నిన్ను గిల్లే మాట అనడం ఎంత ఇష్టమో..
తగవులకు నే సిద్దం అంటా
నీతో తలబడితే తగువుకు కూడా తంటానే మనతో..
అలకలలో ముందు ఉంటా
అలిగిన వేళ నా తలపులలో నిన్ను ఉక్కిరిబిక్కిరి చేయడం మహా ఇష్టం...
ఎదురు చూపుల విసుగుల్లో
ఎన్నెన్ని వింత ఆలోచనలో నీకై, కష్టమైన అవీ ఇష్టమే...
అందీ అందని మన ఆటలో
దూరం అనే భయం భయపెడుతుంది
ఏదో రోజు తప్పదంటు...
మనిషికి దూరం ఉందేమో
మనసుకు దూరం లేదని ఆ భయానికి తెలియదు కదా...
ఎద గదిలో దాచేస్తున్న ఙ్ఞాపకాలు ఎన్నో
రేపటికి నీ తలపులకు ఆయువు పోసేందుకు...
ఈ క్షణాలను అనుభవిస్తూ
రేపటికి మనసు పడే యాతనకు సిద్దమే అంటున్న
సిధ్దమేనా...
ఏమో.......
✍️అరుణిమలు
No comments:
Post a Comment