తాను నేను

తుడిచేద్దామని ఉంటుంది
కొన్ని ఇష్టాలను...

దూరం జరగలేనివి
దరికి చేరలేనివి..

నా చూపుల దూరాన్ని
తాకని తలపులలో
నీతో కలిసి నడుస్తున్న..

నా ఆలోచనలు అందని కోనలలో
నీ ఊహలలో విహరిస్తున్న..

నీ శ్వాస నా మేనుపై లిఖిస్తున్న
నీ ఇష్టాలను చెరపలేక పోతున్న..

నీ చూపులు చేస్తున్న గాయాలకు
ఏ లేపనాలు వద్దనిపిస్తుంది..

నీ చేతలు చేసే చర్యలకు
అచేతనంగా నిలిచిపోతున్న..

ఎందుకు ఇవి..
ఇవేం ఙ్ఞాపకాలు..
ఎందుకో ఈ ఇష్టాలు..

✍️అరుణిమలు