చూపులు చేరాలన్న చోటు వేరు
మనసు మాట్లాడలన్న మాట వేరు
పొంతన లేని పనులు
కదురు లేని కునుకు
నీ రాక కబురు అందిందేమో అన్నట్టు ఈ ఎద సవ్వడి ఏంటో..
ఏ పిలుపుకు బదులుగా అటు చూసాననో మరి నువ్వు ఎదురుగా కనపడటం ఏంటో..
ఏ మాటకు జవాబుగా పెదవి పై నవ్వు పూస్తుందో ఇక్కడ..
పిలిచే ప్రతీసారి అదే నీ మొదటి పిలుపులా మనసుకు కొత్తగా అనిపిస్తుంది ఎందుకో..
ఏ దిష్టి తగిలిందో
ఏ కంటికి ఇంపుగా కనిపించామో
లేదా కాలానికే నచ్చని కలయిక ఏమో మనది..
దూరం అనే ఆలోచనకు కోసుల దూరంలో ఉన్న నేనే
ఆ దూరాన్ని హత్తుకున్నాను ఇప్పుడు..
కానీ..
మనసు తన మాట తప్పనంటు
ఇరుకైన తనలో నిన్ను దాచేసుకుంది ఎప్పటికి..
✍️అరుణిమలు
