తాను నేను

అక్షరాల పై అదుపు లేదు
భావాలన్ని చెల్లాచెదురుగా పడి ఉన్నాయి
ఆలోచనల వేపు నుండి మనసు ఎటో మళ్ళింది

నీ నుండి దూరం జరిగాక
నాకు నేను కూడా దూరమయ్యాను

వెనుతిరిగిన ఇష్టం
కష్టపెడుతుంది క్షణం క్షణం
కానీ ఏం చేయగలను..

దారులన్ని మూసేసావు తొందరపడి
అభిమానం తలవంచలేక వెనుతిరిగింది

మనసుకు మాత్రమే తెలిసిన వ్యధ ఇది
విప్పి చెప్పేందుకు పదాలు లేవోయ్..

చదవడానికి కన్నీళ్ళు మిగిలాయి
చదవగలవా ఈ మనసు వేదన..

దేహాన్ని విడిచిన ప్రాణం లా
జీవం మరచిన ప్రాణిని అయ్యాను..

✍అరుణిమలు