ఏం చేస్తున్నావో అనే ఆలోచనల లోకం నుండి బయటకు వచ్చి చూస్తే.....
ఎదురుగా ఉంటావోయ్...పిలిస్తే ఎదురొచ్చిన వాడిలా..
ఎలా ఉన్నావో అంటూ అడగమంటుంది మనసు...
ఎదుట పడలేని మాటలకు రూపాన్ని ఇవ్వగలనా..
వెతికి వెతికి అలసిన పాదాలను చేర్చేది ఎలా నీ ముందరకు..
చులకన కాలేని పలకరింపును పక్కకు పెట్టేస్తున్న...
ఎక్కడ నువ్వంటు వెతికే చూపులకు గంతలను కట్టేస్తున్న...
నన్ను నా నుండి వేరు చేసి నీ ముందర పెడతాయేమో అని..
పలవరింతలేమో పదే పదే పలకరిస్తున్నాయి..
నీ మనసు ఎక్కడ అని ప్రశ్నలను సంధిస్తూ..
నమ్మకాన్ని నీకు ఇచ్చేసా
ఆశలను నీ గడపలో వదిలేసా
కోర్కెలను కసిరి పంపేసా
నాలుగు నవ్వులను ఇచ్చేసి
కాసిన్ని కన్నీళ్ళను తీసుకున్న
నెగ్గాలని లేదోయ్
తగ్గాలని లేదు
కలిసి నడవాలని మాత్రమే ఉంది
ఇక అదీ వద్దు..
✍అరుణిమలు
No comments:
Post a Comment