తాను నేను

నీ చోటు ఇక్కడ పదిలంగా ఉంది..
నేనే కదిలించలేని నీ స్థానాన్ని ఎవరు ఆక్రమించగలరు ఇక..

ఇష్టంగా ఆ చందమామను దోసిటపట్టిన నీటిలోకి పిలిచేసా..
ఎక్కడ చేజారుతుందో అని నా ప్రేమ దాహాన్ని తీర్చమని దాచేసా నాలో..

కదిలే నా కోర్కెవు..
కనుల కూడలిలో కావలి కాస్తున్న కాటిక గుర్తువు..

వింటికి చిక్కని గురివి
వలపుల ఒడిలో మాత్రం చంటి పాప వే...

మారాలు ఎన్నో
మొరటు తనం అంతే
మన ఇద్దరి మధ్య గీతను చెరిపేసే పెంకితనం నీదే..

నా ఎదను తాకే పిలుపు నీదే
ఈ ఎదను గాయం చేయగలిగే శక్తి నువ్వే..

నా కనుబొమ్మల మధ్య ఉదయించే ఆశవు నీవే
నా పెదవుల పై పదమై నడియాడేది నువ్వే..

ఎక్కడో నువ్వు ఉన్నావు
నన్ను ఆడిస్తూ, ఓడిస్తూ,నడిపిస్తున్నావు..

✍అరుణిమలు