తాను నేను

వెన్నెలలా తాకుతున్న చూపులు
తేలుతున్న ఊహలను పట్టి ఆపాయి

కోతకు వచ్చిన కోరికలా
కొత్త కోక రంగుల అద్దకాన్ని అద్దుకుంది

చందమామ చుట్టూ వెన్నెల గూడు కట్టినట్టు
నా చుట్టూ పెనవేసుకున్న నీ ఇష్టం

అల్లరి ఏదో చేస్తుంది
కాదు..చెబుతుంది సరికొత్త కిటుకులను

ఈ ప్రేమ..
ఒక ప్రయోగశాలగా మారింది ఇప్పుడు

ఉరికే జలపాతమై కదిలి
స్వేదమై ఆవిర్భవిస్తుంది తుదకు

నిప్పుల కొలిమిలో కాలుతున్నాం
ఒకరిని ఒకరు తీర్చిదిద్దుతూ..

ప్రణయమో, ప్రయోగమో
పక్వానికి చెరో అడుగై కలిసి జయిద్దాం..

✍అరుణిమలు