తాను నేను

ఎటు నుండో నన్ను తాకిందో పిలుపు
ఎలా ఉన్నావని...

చెక్కిలిని తాకిన తన శ్వాస
అది ఊహ కాదని చెబుతుంది.

నిన్నటి వరకు నేను ఏమో
ఈరోజు నువ్వే నేనయ్యాను..

నా ఇష్టం ఏదని అంటే
నిన్నుగా నాకు పరిచయం చేసింది..

నా గర్వం ఎక్కడ అని అడిగితే
నీ చిరునవ్వులో మెరిసింది..

నా అభిమానం ఏదని వెతికితే
నువ్వు పిలిచే పిలుపులో దాగున్న అంది..

నా మనసెక్కడ అని పిలిచా
నీ ఎద సవ్వడి చెప్పింది ఇక్కడే అంటూ...

ఎలా ఉన్నానో ఇప్పుడు తెలిసిందా
నా క్షేమం నీ చేతుల లోనే ఉందోయ్..

నేనెవరినో కూడా తెలిసిందా
నీ విలువను నేను..

దాచుకుంటావో
దార విడిచేస్తావో
నీ ఇష్టం..

✍️అరుణిమలు