నువ్వు నన్ను ఎందులోను గెలవ లేవు లే
అనే నీ నవ్వులో నా గెలుపును చూస్తున్న....
నీ పెదవి పై చిరునవ్వుకు
కారణం నేనవ్వడం కన్నా గేలుపేముంది ఈ లోకంలో..
నీ నవ్వులో నేను దాగే
ఆ కొద్ది క్షణాల కోసం ఎన్ని ఓటములు అయినా ఇష్టమే...
కావాలంటే...నిన్ను పందానికి పిలిచి మరీ పోరాడి ఓడిపోనా
నా పొగరు నీ నవ్వులో గర్వంగా వెలుగుతుంటే తనివి తీరా నిన్ను నా కళ్ళల్లో దాచేసుకోనా...
ఈ చిన్ని చిన్ని బహుమానాలే కదా నా సంపద, నా బలం...
ఇలాంటి ఙ్ఞాపకాల ఖజానా కోసం ఎన్ని యుద్దాలకైన నే సిద్దమేనోయ్...
✍️అరుణిమలు
మనసు పెళ్ళికి భాజాలు దేనికి
మంత్రాలు ఎందుకు..
నాలుగు కళ్ళు సాక్షిగా
నాలుగు అడుగుల తోడులో
నవ్వులను అద్దుకున్న మత్తైదువుల లాంటి అధరాల ఎదురుగా
పంచభూతాలను ప్రేక్షకులను చేసి
రెండు మనసులు చదువుతున్న వేద మంత్రాలు సాక్షిగా
జరిగేది కూడా మనువే..
ఆత్మ సాక్షి ముందు చేసిన వాగ్ధానం ఇది
నేను చేసింది ఆత్మ నైవేద్యమే..
నీ పక్కన నే లేకపోయినా
నా పక్కన నీ చోటు ఖాళీ లేదెప్పుడు..
మనసును ఒకరికి
తనువును ఒకరికి
పంచుకోవడం తెలియదు కానీ
ఒక పేరుకు మనసా వాచ
అంకితం అవ్వడంలో ఉన్న అనుభవమే వేరు..
బతుకుని నీకు రాసిచ్చేసా
లాభనష్టాల లెక్కలు నాకెందుకు...
ఫలితంలో నువ్వెప్పుడు నా గర్వానివై కనిపిస్తున్నాక..
ఓయ్.....ఎవరికి చెందనిదే ఇది
నీకై మాత్రమే పుట్టింది ఈ ప్రాణం..
✍️అరుణిమలు
ఎన్నెన్నో ఆలోచనలు
జరిగిన, జరుగుతున్న వాటికి మధ్యలో
అయోమయాలను సృష్టిస్తూ..
ఎలా మొదలయ్యిందో
తెలియని మన కథలో ఎన్నెన్ని మలుపులో..
ఎలా చెప్పాలో తెలియని
భావాలు ఎన్నో...
ఎందుకిలా తడబడుతున్నాయి అంటే ?
ఏవేవో ప్రశ్నలు నీ అడుగులు సందిస్తున్నాయి..
ఎన్ని సందేహాలను ఇస్తుందో ఈ కాలం
మన దగ్గరతనం లోకానికో సందేహం
మన దూరం మనకో పరీక్ష..
ఎలా ఉందామంటే
అలా ఉండనివ్వని మనసు
ఎలా ఉండకూడదంటే
అలాగే ఉండమనే లోకం..
విప్పి చెప్పడానికి ఏం లేదు కానీ
మదిలో వాదోపవాదాలు ఎన్నో..
నిన్ను గెలుచుకోవడానికి రాలేదు
నిన్ను గెలిపించుకోవాలనే తపనే నాది..
నిన్ను పొందాలనే కాంక్ష లేదు
నీలో నేననే ఒక చెదరని ఙ్ఞాపకాన్ని వదిలేయాలని కోరిక తప్ప..
నేను నీ దానినే ఎప్పటికి
నువ్వు మాత్రం నా భావానివే ఎన్నటికి...
ఏదో చెప్పాలని ఉందోయ్
కళ్ళ నిండిన గంగ సాక్షిగా
కానీ అభిమానం అడ్డుగా నిలబడింది..
✍️అరుణిమలు
బిడి కౌగిట బంధీనై చెప్పాలనిపించే
మాట ఒకటే...
నీ పేరును పంచుకున్న ప్రాణం నాదని..
కాలం ఏ తీరానికి చేర్చిన
కలలు కల్లలైనా
కోరికలు కరిగిపోయిన
ఈ జీవి నీ పిలుపు లోనే జీవం పోసుకుంటుందని..
నమ్మకాల నీడలో
నిన్ను నింపేసుకున్నా ఏమో
నే తెంచేసుకోలేని నాలో ఒక భాగానివి నువ్వు..
కాలక్షేపానివి కావు
అవసరానివి అంతకన్నా కావు
ఇష్టాన్ని దాటేసిన
ప్రేమ గడప దాటని
ఆరాధనే నాది..
రాసేసా నా నుదుటి రాతను
నువ్వనే మనసుకు నేను అంకితం అని
నువ్వెంత అంటే చూపించలేను
నేనింత అని చెప్పలేను
మనమింతే అని చెప్పగలను
✍️అరుణిమలు
ఎవరికి అలవాటు కాకు..
ఎవరికి అలవాటు పడకని..
కాలం ఎప్పటికప్పుడు నేర్పుతునే
ఉంటుంది...
మనమే నేర్చుకోము...
మనసు ఒంటరి తనాన్ని భరించలేకనే
మనిషికి ఈ తిప్పలు...
ఎప్పటికప్పుడు ఎదురయ్యే పరిక్షలు
దిద్దుబాటు లేని తప్పులు కొన్ని
జవాబు లేని ప్రశ్నలు ఎన్నో...
కొందరు ఏమౌతారో తెలియదు
కానీ తామే అన్ని అనిపిస్తారు..
కొన్ని కోరికలు నీటిలో నీడలని తెలియదు మనసుకు..
ఏం ఆటలే కాలమా
మనసుతో ఆడతావు
జీవితానికి ఫలితం ఇస్తావు..
ఎదురు చూసే చూపులకు ఫలితం ఉండదు
గడపకు ఇవతల తనువు ఉంది
గడపకు అవతల మనసు ఒంటరిగా మిగిలింది..
నలిగే ఆలోచనలలో
నవ్వుల పూతలు ఎన్నో
పెదవికి తెలియని పలుకులు
ఎదకు మాత్రమే తెలిసిన ఊసులు
ఎవరికి ఎవరో
ఊతమివ్వని ఆశలతో
ఒంటి నడక ఎక్కడికో..
✍️అరుణిమలు
గోరువెచ్చని పొద్దులో
నీతో ఏకాంత ప్రయాణం ఉంది చూడు
😍😍😍
పెనవేసుకున్న మనసుల అలజడిలో
ప్రకృతి మురిసిపోతుంది
జంటగా ఏకమైన దేహాల నడుమ
మౌనంగా సాగుతున్న నిశ్శబ్ద యుద్ధాలు ఎన్నో..
నా బలానివేమో నువ్వు
ధైర్యం గుండెలలో నుండి నీతో కలిసి పడే అడుగులతో జత కట్టింది..
ఊసులకు సెలవిచ్చేసాం ఏమో
ఊపిరి సైతం ఏవేవో లిఖించేస్తుంది తనువు పై
మిడిసిపడకే కాలమా తొందరగా పరుగెత్తుతున్న అని
ఈ క్షణాలను నేను ఎప్పుడో బంధించేసా కదా
పెంకి దానినో, మొండి పిల్లనో
లాలనతో కట్టేసావుగా ఎటూ కదలనివ్వకుండ..
దా....నా గుండెల లోకి అని నువ్వు అంటుంటే
కళ్ళల్లో తడి, పెదవులకు ఈ మడి దేనికంటూ అంటుంది...
కసిరిన నోటి తోనే కవ్విస్తావు చూడు
పంతం అంతా ఏ కోన లోకో పోతుంది..
చాలు చాల్లే
మన మధ్య జగడాలకు
ఈ జత కూడే పదాలకు అలుపే లేదు..
✍️అరుణిమలు
మనసులో ఒక తోడుతో
ఒంటరి అడుగులు ఎక్కడికో...
ఎన్నో ఆలోచనలను నింపుకున్న మది మాత్రం మౌనంగా ఉంది..
తుఫాను ముందు నిశ్శబ్దంలా..
వెంట నడవలేని ఇష్టం
చెబుతుంది వేసే అడుగు అడుగు ఎంత కష్టమో..
అలలు లేని తీరమా నవ్వకే అలా
నీలా నాకు స్పందన లేదేమో అని...
మింగేస్తున్న వెచ్చని చుక్కులు
గొంతు దాటుతు ఎదను కదిలిస్తున్నాయి..
శ్వాసలో నిండిన ఏ మనసో
సేద తీరుస్తుంది
నీ లోనే నే ఉన్న అనే అనుభూతిని ఇస్తూ..
గుండెల మీద ఆ మాత్రం బరువును కాలేనని
ప్రాణమై పోయి ఉక్కిరిబిక్కిరి చేస్తున్నావా..
గొంతు దాటని గాదేదో ఉంది
గుండెల్లో దాగుని ఉంది..
లోకమా నీకు అవసరమా
అడగకు, కదపకు,నవ్వకు..
వదిలేయ్ ఇలా..
నవ్వులను, కన్నీళ్ళను లెక్కలు వేయకు ఇక..
✍అరుణిమలు
