తాను నేను

కాలాన్ని తెంచుకు పోవాలి అనిపిస్తుంది...
అలికేసినట్టు నన్ను అల్లుకు పోతూ
గతమై నన్ను వదలనంటుంటే...

రచించాలని ఉంది
నాకై నేను... నే మెచ్చే నా కాలాన్ని కలం సాక్షిగా...

అక్కడ నేను ఉంటా....నువ్వు ఉంటావు
మనతో మనం మెచ్చిన ఏకాంత బంధం ఉంటుంది...

నిక్కచ్చిగా... ఒకమాట ఇటు, ఒకమాట అటు లేదోయ్
చందమామ గూటిలో కలల తారలమై సోలిపోదాం...

లోకాన్ని జోకొట్టి ప్రపంచాన్ని వేదిక చేసి
రచిద్దాం పదాలకు దొరకని అనుభూతుల భావనలను...

నచ్చే కాలమో....మెచ్చే కాలమో
మనకై మనం గడిపే కాస్త కాలాన్ని కానుకగా వదిలేయ్ ఇక్కడ....

ఓయ్......నిన్నే వినపడిందా
ఇలా అక్షరాలలో బతికేస్తావా బతుకంతా...
ఊపిరి ఎలా ఆడుతుందిరా ఈ అక్షర పంజరంలో...

✍️అరుణిమలు