గడచిన కాలం గమ్మున ఉండదే
అలా అలా వచ్చి మదిని తాకడం ఎందుకో దానికంత ఇష్టం....
చెదిరిన స్వప్నాలు
ఎదురు చూపులలో నిలిచిపోయాయి...
పోగేసిన ఙ్ఞాపకాలు
ఏమో దాచుకోమని సద్దు చేస్తున్నాయి...
అలికిన కళ్ళకు రంగులన్ని ఒకలానే కనిపిస్తున్నాయి...
కడిగిన మనసుకు వసంతాలను చూడాలని ఉంది...
కానీ, నా వసంతాల లోగిలిలో నీకై ఎదురు చూడకుండా ఆపగలనా ఈ మదిని...
అద్దమల్లే చూపిస్తుంది మనసు నిన్ను, నన్ను... ఇక ఆశలకు చిగురులు తొడిగేనా...
చూడాలని ఉంది ఒక్కసారి.... మరొకసారి
నాకై విరిసే ఒక నవ్వు ... నా కోసం నీ ఆరాటం
నా కోసం నీ తపన...
ఈసారి కాలాన్ని అయినా ఆపేయనూ..
నా ఆశలను రాలి పోనివ్వకుండా...
✍️అరుణిమలు
No comments:
Post a Comment