ముసురు వేసిన మనసు
నీ జాడకై వెతుకుతుంది
ఏ దిక్కున ఉన్నావో
ఏ చుక్కలలో దాగావో
నన్ను వెతకగలవా అన్నావు
నేను లేని నువ్వు మనగలవా అన్నావు
వెతకడానికి దారి తెలియదు కానీ
నా గమ్యం నువ్వే...గమనం నువ్వే
పిల్లగాలివై నువ్వు ఏ మూలన ఉన్న
జడివానై... నిన్ను చూసి కరిగిపోనా
నువ్వు నేను ఒకటైతే అహ్లాదమే కదూ
పరవశించే లోగిలిలో పరవళ్ళే మన ప్రాయాలు
ఓయ్.....ఎదురు రావోయ్
మరో ప్రణయ కావ్యాన్ని రచించేయడానికి
✍️అరుణిమలు
No comments:
Post a Comment