ఈ దూరాల మధ్య దుఃఖం ఉన్నా
కాలం కదలనని మొండి కేస్తున్నా
ఇంకా నిన్నో, మొన్నో నీకు ఎడమైనట్టు ఉంది భావన....ఎందుకిలా..??
నీకైనా తెలుసా!?...
ఎందుకీ ఎడబాటని....కారణం ఎవరని
ఊహించావా అసలు...
ఇలాంటి రోజులను నాకు కానుకగా ఇస్తావని...
అసలు నీ ఆలోచనలో అణువంత చోటైనా మిగిల్చావా నేనంటూ గురుతుండటానికి...
ఏ మేఘమో వర్షించింది అనుకున్న...!?
నీ ఙ్ఞాపకాల భారాన్ని మోయలేని మది జల్లులు అని తెలియక...!!
నడి రాత్రి మౌనాన్ని చదువుతూ ఉన్న...
ఏ చలనం లేని ఆ తారలకు నాకు పెద్ద తేడా లేదు అనిపిస్తుంది....!!
నీ ఙ్ఞాపకాలను వెనకేసుకొని
నే ఇలా స్తంభించి ఉండటం
నాకే కొత్తగా, వింతగా ఉంది..!!!
✍️అరుణిమలు
No comments:
Post a Comment