ఒక గూటి పక్షులు కావు...
ఒక కొమ్మకు పూయనివి...
కానీ ఒక పంచన చేరిన మనసులు..
వాటి కథలు...కతలు....కలలో...కల్లలో
పంచేందుకు ఏముందో అందుకునే చేతికే తెలుసు...
అందిన దానిని దాచిన దోసిలికి ఎరుకే
అవి సొంతం కావని...అరువే అని...
కానీ పెదవిన తాకిన చిరునవ్వుకు తెలుసు
మనమో మరువని ఙ్ఞాపకాలమని...
అతుకుల బతుకులలో అందమైన అల్లికలమని
మనసనే సంద్రంలో తీరని కలల కెరటాలమని...
అంతా యాంత్రికమో...కుత్రిమమో కానీ
అటా,ఇటా అనే గజిబిజి ఆటలో
నలిగే మనసుల, మమతల మౌన వేదనలో
రాలి పోతున్న ఆశలు ఎన్నో...
అవసరాల ముసుగులో
ఎన్ని రంగులో... ఎన్ని హంగులో
✍️అరుణిమలు
No comments:
Post a Comment