అడుగులకెందుకో ఈ తడబాటు...
అంచనాలను అందుకోలేక...
ఎటు వైపా అంటూ చూసే బేల చూపుల నడుమ చిక్కుకున్న చిక్కుముడులను విప్పలేక....!!
అడుగడుగున పడిన సంకెళ్ళను మోయలేక
తెంచాలనే మనసు ఆరాటాన్ని తప్పించుకోలేక...!!
అటా, ఇటా అనే తూకంలో ఎటో ఈ మనసు
ఏకాంతం కూడా బదులు ఇవ్వలేని ప్రశ్నలు...!!
నిన్ను చేరిన పూల దారి ముళ్ళ దారిగా మారాక
నే వేసిన ప్రతీ అడుగుకు కార్చిన కన్నీరు ఇంకా ఇంకిపోనే లేదు...!!
నన్ను నేను పొగొట్టుకొని...తిరిగి పొందలేక
సాగిస్తున్న నిర్జీవ ప్రయాణంలో...
మళ్ళీ నీ ఎదురు ఏ బాటకు దారి వేస్తుంది...!?
కానరాని కల్లోలంలో మనసు మసై పోయింది
ఏముంది ఇక్కడ ఇంకా మిగిలి...?
నటన
ఆత్మవంచన
నీ తలపు తప్ప...!!
నేనెక్కడ...
నువ్వు వదిలిన చోటుకు...
తిరిగి చూడవోయ్ ఒకసారి...
ఎలా కనిపించానో...కదిలించానో చెప్పకు
వినాలని లేదు...చూడాలని లేదు నన్ను నేను అలా...
ఇప్పుడు అందుకుంటావా...
చేరుకోగలవా ఆ చోటుకు...
చెరిపేయగలవా ఆ కాలాన్ని ఈ ఎద నుండి...!!
✍️అరుణిమలు
No comments:
Post a Comment