తాను నేను

నిజమై నువ్వు ఎదురు పడితే
అందులో నా పాత్రను నే చూడాలని ఉంది..

బ్రహ్మ రాతవో
ఖర్మ ఫలానివో
ఏ కార్యానికి ప్రతిఫలానివో నాకై నువ్వు అని..

నువ్వు రచించిన చరితలో
అవసరాన్నా
ఉపయోగాన్నా..

ఎవరిని నేను..??

బాటసారి వై సేద తీరావా
బాటేసుకు వచ్చావా ఆకలితో

ఎవరివి నువ్వు..??

బదులు లేని ప్రశ్నలలో ఒక ఇష్టమైన ప్రశ్నవు
శేషం తెగని ఒక సశేషానివి..

కాలక్షేపానికి శరీరాన్ని ఇచ్చేయలేను... కానీ
నాదనే మనసుకు నా మనసును
ధారాదత్తం చేసేయగలను ఈ జన్మకు..

✍️అరుణిమలు