తాను నేను

మన నిర్ణయాలను

ఒప్పుకోదే ఈ మనసు..

మనం ఎటో చూస్తే

దాని చూపులు వేరోక చోట ఆగిపోయి ఉంటాయి..

మన అడుగులు ముందుకు పడుతుంటే

అది మాత్రం గతం దగ్గర నుండి కదలనంటుంది...

పెదవులపై నవ్వులు ఎన్నో

మనసు నిండా దిగులు మబ్బులే..

ఎలా ముడేసావో నీ మనసును

విప్పతరం కావడం లేదే నాకు..

నా కథలో నువ్వో మజిలీ అనుకున్న

నాతోనే కదిలే నా కలవని తెలియలేదు..

నువ్వు వచ్చిన దారి తెలియదు అప్పుడు

నువ్వు వెళ్ళిన దిక్కు వేపే చూస్తుంది

ఏ దిక్కులేని ఈ మనసు..

కాలం నదిలో కదిలిపోతున్న నావని

ఏ తీరాన ఉన్నావో తెలియని నీకోసం ప్రయాణం..

కలం కదలనంటుంది

కాలం ప్రశాంతంగా లేక..

అల్లకల్లోలమే ఈ మనసు

ఐనా బయట పడదే నీ ముందర..

అప్పుడు ఇప్పుడు

నువ్వు నువ్వే

నేను నేనే..

అనుకోకుండా కూడా

ఎప్పుడు ఎదురు పడకు నాకు

నన్ను నేను నిలువరించడం ఎలాగో తెలిసే వరకు..

✍️అరుణిమలు