తాను నేను

మన గురించి ఆలోచించడం అలవాటు... 

అందులో నీకోసం ఆలోచించేదే ఎక్కువ..

నీతో గొడవ పడతా

నీకోసం గొడవ పడతా..

నీ దగ్గర అలుగుతా

నీకోసం నాలో నేను మదనపడతా..

నువ్వు తిడితే ఏడుస్తా

నిన్ను తిట్టినా ఏడుస్తా..

నీకు దగ్గర అవ్వాలంటే భయం

దూరం అవ్వాలంటే బాధ..

నువ్వు ఎందుకు వచ్చావు అనిపిస్తుంది

నువ్వే రాకపోతే నాకు నేను సరికొత్తగా పరిచయం అయ్యే దానిని కాను..

నీ మీద అరుస్తా 

నువ్వు నాకు ఇచ్చిన హక్కని మురిసిపోతా..

మన ఇద్దరికి రాసి పెట్డి లేదని తెలుసు

అందుకే మన ఙ్ఞాపకాలను నేను రాసుకుంటున్న ఇలా..

మనసులో చోటిచ్చా అనుకున్నా కానీ

మరుజన్మకు కూడా ఈ మనసు నీదే అని ఎద పై చెక్కేసా..

✍️అరుణిమలు