తాను నేను

అలసిన నా మనసు తేరుకునేది 

నువ్వు నా వాడివి అనే 

ఆలోచన వచ్చాకే కదా..

నీ ఆలోచనలు వచ్చి పలకరిస్తూ

ఉంటాయి..

మనసును పదమంటూ ఎటో ఎటో

నడిపించి ఏడిపిస్తాయి..

అలసిన కనులలో నిన్ను దాచుకుని

పెదవుల నిండా నవ్వులు పులుముకుని

నా పనిలో నేనుంటా కదా..

ఓయ్.......

అనే పిలుపుతో తుళ్ళి పడతాను

బదులు ఇద్దామంటే 

ఎక్కడ నువ్వు కనపడవే..

రాత్రి మేల్కొనే కలలు

పగలు కూడా ఇలా కలవర పెడతాయి అని

ఇప్పుడిప్పుడే తెలుస్తుంది..

నువ్వనే ముద్ర ఈ శరీరం మీద పడలేదోయ్

మనసు మీద రాసుకున్న... 

మనసా, వాచ 

నేను నీ దానినే ఎప్పటికి..

✍️అరుణిమలు