తాను నేను

నీ కొంటె తలపులలో కొట్టుకు పోనా

నిన్ను కొంగుకు కట్టేసుకోనా..

కవ్వించే నీ మాటలలో

ఏ మంత్రముందో...

ఎంత కోపమైనా 

నీ పిలుపు తాకగానే ఆవిరైపోతుంది..

ఆ నవ్వులో ఏ గమ్మత్తు ఉందో

నీ మత్తులో‌ నేనెప్పుడో చిత్తుగా ఓడిపోయా..

ఎదురు పడనంత సేపే ఎడబాటు

నువ్వు ఏయ్ అంటే ఇక్కడ తడబాటు మొదలవ్వదా..

చుట్టూ ఉన్న లోకాన్నే మరచిపోతా

నువ్వు ఎదురైన క్షణంలో..

ఇక నాకు నేను ఎక్కడ గుర్తుంటా

నీలో వెతుకుతూ నీలోనే తప్పిపోతుంటే..

వచ్చేయ్ వోయ్ వసంతమై 

ఈ పెదవిపై సిగ్గును 

ఈ కళ్ళల్లో ఆనందాన్ని

నీ ముందు దాచలేక ఇబ్బంది పడాలని ఉంది..

✍️అరుణిమలు